En ekologio, biologia interagado estas la efiko kiun paro de organismoj kiuj vivas kune en komunumo havas unu sur alia. Ili povas esti ĉu de la sama specio (intraspecia interagado), aŭ de diferencaj specioj (interspecia interagado). Tiuj efikoj povas esti mallongdaŭraj, kiel polenigo kaj predado, aŭ longdaŭraj; ambaŭ ofte forte influas la evolucion de la specioj implikitaj. Longdaŭraj interagado estas nomata simbiozo. Simbiozoj gamas el mutualismo, profita al ambaŭ partneroj, ĝis konkurenco, damaĝa al ambaŭ partneroj.[1] Interagado povas esti rekta, aŭ tra perantoj kiel komunaj rimedoj aŭ komunaj malamikoj. Tiu tipo de rilato povas esti montrata per pura efiko bazita sur individuaj efikoj en ambaŭ organismoj ekster la rilato.